搬屋 @ Carmen の狗窩

My Daisypath

Feb 15 Wed 2006 22:05
搬屋

今個星期日要搬屋喇，大屋搬細屋，真係好頭痛，好多嘢都要掉，都唔知新屋嗰度夠唔夠地方擺咁多嘢。呢兩個星期搞搬屋嘅嘢真係好勞心勞力，今晚開始執自己間房嘅嘢，先發覺原來一直都存放住好多冇用但又唔捨得掉嘅嘢，正所謂「雞肋雞肋，食之無味，棄之可惜」不過，我最終都棄咗好多雞肋。唉，執咗成晚都仲未執完，聽晚放工後又要去見工，好似已經冇乜時間執嘢，仲未去銀行改地址添，搬屋嘅嘢，真係一個字講晒，煩！

不過都算好，我最擔心個鋼琴搬唔到，要舊屋呢邊吊鋼琴落，新屋嗰邊拆鋼琴上；但經過我哋多番仔細嘅度位，搬琴公司話應該可以拆咗個鋼琴，新舊屋兩邊都可以上落到喎，唉，真係抹一把汗！