close

最近咁興寫Blog，一直都想將我嘅網上日記從Diaryland搬嚟Yahoo Blog，事關Diaryland嗰度好鬼麻煩，成日打完成篇日記，到post出嚟變咗怪獸字，搞到我又要從頭再打過，咁鬼煩！


過年前聽新聞講，話過年後將會係歷年來最大型的轉工潮，因為今年香港經濟明顯好轉。心想，今年公司最快辭職嘅都睇怕係我嘞啩！


點知尋日第一日開工，先知原來Erica同Calvin都已經遞咗信，吓．．．竟然有人早我一步，同埋，原來有人同我一樣，一早就想走，只係等埋個Bonus先遞信，我以為我卑鄙啫，原來有人同我一樣。唉．．．好羡慕佢地可以咁順利咁脫離呢個苦海，唔知我下星期遞信時，要俾人捉入房傾幾耐至甩到身呢？！


星期一去GUCCI Interview，希望可以成功啦，好緊張，要好好咁預備一下先得！


arrow
arrow
    全站熱搜

    man21 發表在 痞客邦 留言(0) 人氣()

    E-mail轉寄