Carmen の 狗窩

今日公司開例會，竟然被人「擺上枱」狂插，記住，並唔系插，而係狂插，插完仲要翻插嗰隻。

話說Miranda提出殼鈕交外廠噴油或噴叻架，洗鈕過程時一定會有損耗，而一啲比較貴而又大size的殼鈕，應該訂貨時訂啞面鈕，就可以避免洗鈕而造成損耗；於是，就提及我之前一張貴價殼鈕單，插我唔訂啞面鈕，以致有很多損耗，造成不必要的損失。原本講完都好地地，已經轉咗另一個topic，但Agnes又重提番，話我哋做跟單，應該訂鈕時注明返貨後要染色、噴叻架，或噴油，咁採購部就會幫我哋訂啞面鈕；點知Jenny又加多一腳，喺度貓哭老鼠，話其實佢應該收到我張單時，多口問一句返貨後係咪要噴叻架，佢都有啲責任云云；跟住VIVIAN又話其實好簡單，我應該開單時寫個“Ｄ”字，佢哋就會訂啞面，當時我又一時記唔起自己開單時有冇寫返貨後要噴叻架，所以只好唔出聲，其實當時都已經想喊，駛唔駛特登開會時，喺咁多人面前攞呢件事出嚟講呀？！一開完會就返房搵番份單出嚟，原來我張張訂貨單都有注明返貨後要噴叻架加染色，當堂喊咗出嚟，真係啞子食黃蓮！！